14.02.2018

Сениорките го испробаа паркетот во Италија

Нашата национална селекција во женска сениорска конкуренција утрово го испроба паркетот во салата Пала Равица во Павија каде вечерва со почеток во 18часот и 30минути ќе го одигра вториот натпревар во евроквалификацискиот циклус, во рамки на вториот прозорец. Со Италија се пресметавме в ноември минатата година, на домашен терен и загубивме со 52-61.

Девојките се сконцентрирани и желни за победа и докажување. 

Во репрезентацијата на Италија, во ростерот, има неколку промени од првиот натпревар кој го одигравме до овој сега. На претходниот натпревар (против Хрватска) се предадовме прерано. Натпреварот го изгубивме пред да излеземе на паркетот. Денес не смееме да си го дозволиме тоа. Мораме да бидеме ’прибрани’ во мислите и сигурни во играта. Грешките од пред неколку дена да ги сведеме на минимум и да заиграме како што знаеме. - вели селекторот Марјан Лазовски во пресрет на натпреварот.

Натпреварот ќе биде пренесуван во живо на Собранискиот канал на МРТ како и на следниот ЛИНК.