Дваесет и четири поена, четири скока и дванаесет асистенции запиша зад своето име Бобан Стајиќ кој е играч на шестото коло од Супер лигата. Тој му помогна на својот Работнички да излезе од победничка криза и да запише и тоа како убедлива победа над Куманово со 97-71.

Во рамки на шестото коло триумфираа и Блокотехна над Гостивар 66-78 и МЗТ Скопје Аеродром против Кожув со 89-88.

Во Плејаут лигата АВ Охрид славеше со Шкупи со 102-77 додека Вардар запиша уште една победа овој пат против Пелистер до 86-83.