10.07.2017

МКФ и ОКТА ја продолжија соработката

Македонската кошаркарска федерација и компанијата за трговија, снабдување и за дистрибуција на нафтени деривати ОКТА денес ја обновија соработката. Двете договорни страни го искажаа своето задоволство од меѓусебната соработка која веќе трае две години поради што неизбежно е обновување на истата.

Мнозинството од средствата од спонзорството од страна на компанијата ќе бидат исклучиво наменети за младинскиот погон за што побрз развој и напредок на истите.

Македонската кошаркарска федерација сака да изрази особена блаодарност до ОКТА за досегашната поддршка и искажаната доверба и се надева дека истата ќе продолжи и во иднина.