Екипата на ТФТ имаше победнички крај на оваа 2021 година. На последниот меч, дел од 12. коло, скопските“ црно-бели“ беа подобар ривал од гевгелиски Кожув.
Разликата од десет поени реализирана во првото полувреме им беше доволна за шеста победа, и 50% ефект на истекот на оваа календарска година
ТФТ – КОЖУВ 101:84
Едно доста интересно прво полувреме виде публиката во „Кале“. Прва четвртина во која гевгеличани преку Симоновски и Вилијамс најавија дека се подготвени за надигрување и за евентуално изнендување против тимот кој во оваа полусезона прикажа доста променливи игри.
„Црвените“ го добија првиот период со сосема солидни (28:20)
Но се изгледше поинаку во втората. Екипата од Тафталиџе заигра како во „старите и добри времиња“. Доста ефикасно во нападот, со малку поцврста игра во одбраната.
Тоа беше видливо и на резултатот.
Дури 33.пооени постигна ТФТ во тој дел од играта, доволно за комплетен и играчки, и што е поважно, резултатски пресврт. Имаа плус од десет поени на полувремето (43:33).
Уште повисока беше разликата по три одиграни четвртини (78:61), по што стана појасно дека екипата од Гевгелија и нема некои сили за „враќање“ во мечот, по кој останаа на бројката од пет победи и седум порази. И позиција која е повеќе во оној долен дел од табелата во Првата лига.
ТФТ пак стигна до 50 настотен ефект (6-6), кој ги држи неколку места погоре, но доста далеку од самиот врв на првенствената табела.
Комплетната прва петорка на ТФТ со исклучок на Ташовски, заврши со двоцифрен број на поени. А тројца од нив со дабл-дабл ефект..На 15 скока, Амир Смит додаде и 21.поен. Андреј Маслинко имаше 15.поени и 16.скока, додека пак Александар Костоски освен десет асистенции во статистиката дополни и 18. реализации.
Кај Кожув, Симоновски даде 28. поени, Вилијамс уште 26, а двоен број на поени, вкупно 11. запиша и Враниќ.
ПРВА ЛИГА-МАЖИ
РЕЗУЛТАТИ И ДВОЈКИ 12. КОЛО
Ангели – Куманово 2009 76:104
Работнички – МЗТ Скопје Уни Банка 87:89
Гостивар – Еуро Никел 2005 79:79
ТФТ – Кожув 101:84
19.00: Навико Академија ФМП – Феникс 2010
ПОНЕДЕЛНИК:
18.00: МЗТ Скопје Аеродром – Пелистер (МРТ)
Голема сала СЦ „Јане Сандански“ – Скопје
https://youtu.be/b1e5OVPQowA
