Кошаркарите на МЗТ Скопје Аеродром брзо се вратија на победничкиот колосек. По турбуленциите кои ги предизвика неуспехот во минатото првенствено коло, промената на шефот на стручниот штаб, Ѓорѓи Кочов, и именувањето на Дарко Радуловиќ за негов неаследник, најдоа сили, мотиви, покажаа амбиции, за убедлива победа против Гостивар, екипа од горниот дел на табелата.
МЗТ СКОПЈЕ АЕРОДРОМ – ГОСТИВАР 93:76
Екипата од Аеродром покажа реакција по тренерската смена. по нецели осум минути од почетокот на средбата во „Јане Сандански“ направија предност од (23:9), за таа прва делница „сино-белите“ од Аеродром да ја затворат со нешто пониски (29:18).
Гостите никако не успеваа да ја пронајдат својата напаѓачка игра ниту во вториот период. Доволно за мотивираните „металци“ да изградат и уште поубедливо водство до големата пауза (49:32).
Во исто темпо продолжија домашните кошаркари и по оние 15.минути за одмор. Во средината на третата четвртина имаа вишок од 25.поени (65:40), по што изгледаше дека тука работите се скоро па решени.
Но серијата од (17-2) на гостиварскиот состав, реализирана за нецели пет минути игра во последната четвртина, ги направи настаните на теренот многу повозбудливи, поинтересни.
Гостивар стигна до едноцифрен минус од (71:79).
Но МЗТ Скопје Аеродром веднаш најде одговор. Со своја серија (8-0) со која ги врати работите во некоја „нормала“. На „старото водство“ (87:71) кое го имаа во првото полувреме, кое овојпат не го испуштија, и стигнаа до седмата победа во 11. одиграни натпревари.
Одлично шутерско издание имаше Гравет, го заокружи со реализација на 21.поен, капитенот Стојановски дополни со 15, Бојиќ имаше 12, а Карачиќ уште десет поени.
Кај Гостивар, кој играше одлично само пет минути во четвртиот период, Димчевски даде 19.поени (6/9 за три), Вокер имаше 16.поени, а по 11 дојдоа од Тодоровиќ и Фрајдеј. Недоволно да се „побегне“ од седмиот неуспех во 16.одиграни натпревари во шампионатот.
ПРВА ЛИГА-МАЖИ
РЕЗУЛТАТИ 18.КОЛО
Работнички – ТФТ 73:77
Вардар – МЗТ Скопје Уни Банка 85:79
Кожув – Академија ФМП 77:84
Пелистер – Еуро Никел 2005 116:122
МЗТ Скопје Аеродром – Гостивар 93:76
ОДЛОЖЕН НАТПРЕВАР:
Црн Дрим Грин мобиле – Куманово 2009
ТАБЕЛА: Пелистер (14.победи/3.порази), ТФТ (11/4), Еуро Никел 2005 (10/6), Академија ФМП (9/8). Гостивар (9/7), Кожув (7/9), Куманово 2009 (8/5), МЗТ Скопје Уни Банка (4/12), Вардар (4/11), МЗТ Скопје Аеродром (7/4), Црн Дрим Грин мобиле (1/16), Работнички (6/5);
