Но непознато е која екипа ќе заврши од 3. до 6. позиција на табелата...
Почетокот на последното коло од регуларниот дел од сезоната во Првата лига-мажи е денеска во Кавадарци. Од 16.часот, екипата на Еуро Никел 2005 го дочекува последнопласираниот тим на табелата – Ангели.
Со триумф на овој меч, кавадарчани ќе бидат многу блиску до позицијата број 4. Долку победат, а евентуално Навико Академија ФМП загуби на утрешниот дуел со МЗТ Скопје Аеродром (17.30 часот, сала „Независна Македонија“ во Скопје), избраниците на тренерот Горан Самарџиев може да влезат и во „круг“ со екипата од Кисела Вода која во овој момент има ефект (14-7) и е на третото место на табелата.
Дури и во случај на пораз, актуелниот бранител на титулата ќе ја задржи позицијата 2, додека сигурен е и лидерот, екипата на Пелистер, која својот меч од ова 22. коло ќе го одигра на 10.април (недела).
Екипата од Тафталиџе во овој момент има скор (13-8), и го дели четвртото место со кавадарчани. Евентуален пораз, а победа на Гостивар на гостувањето во Гевгелија кај Кожув (сабота, 18.часот) ќе ги стави двете екипи во ист скор. Двете би имале по 35. бода (скор 13-9), а во тој случај би одлучувале други параметри (скорот во нивните меѓусебни дуели, или евентуално вкупниот кош-количник).
Во битката за опстанок, победата над МЗТ Скопје Уни Банка на средбата закажана за 10.април (недела, од 20.часот), за кошаркарите на Феникс 2010 би означило и скоро сигурен опстанок во елитата, иако им следуваат уште десет рунди од Плеј-аут лигата.
Би имале недостижни десет победи повеќе во однос на вториот тим на клубот од Аеродром, веројатно и пред Ангели, ако загубат денеска од Еуро Ниел 2005.
Затоа и ова последно коло од првиот дел е и особено интересно.
ПРВА ЛИГА-МАЖИ
ДВОЈКИ 22. КОЛО
7.АПРИЛ (ЧЕТВРТОК):
16.00: ЕУРО НИКЕЛ 2005 – АНГЕЛИ
Сала „Јасмин“ – Кавадарци
https://youtu.be/Jk7vINaLYYM
8. АПРИЛ (ПЕТОК):
17.30: НАВИКО АКАДЕМИЈА ФМП – МЗТ СКОПЈЕ АЕРОДРОМ
Сала „Независна Македонија“ – Скопје
https://youtu.be/4UvRNigdLOU
9.АПРИЛ (САБОТА):
18.00. КОЖУВ – ГОСТИВАР
Сала „26.април“ – Гевгелија
https://youtu.be/oJmWzn8iHzk
18.30: КУМАНОВО 2009 – РАБОТНИЧКИ
Сала „Перо Наков“ – Куманово
https://youtu.be/KBWmsF_Mp7Q
10. АПРИЛ (НЕДЕЛА):
17.00: ПЕЛИСТЕР – ТФТ
Сала „Боро Чурлевски“ – Битола
https://youtu.be/I_t7wef1Zq8
20.00: ФЕНИКС 2010 – МЗТ СКОПЈЕ УНИ БАНКА
Мала сала на СЦ „Јане Сандански“ – Скопје
https://youtu.be/4UvRNigdLOU
