5. КОЛО ОД ПРВА ЛИГА-МАЖИ: „Младоста“ го предизвикува „искуството“

29.10.2021

Петтото првенствено коло ќе биде распоредено во неколку дена, го отвораат двата клуба од Аеродром

Ќе стартува вечерва од 18.часот, кога во салата на СЦ „Јане Сандански“ ќе се сретнат братските клубови, МЗТ Скопје Уни Банка и МЗТ Скопје Аеродром.

(петок,18.00): МЗТ СКОПЈЕ УНИ БАНКА – МЗТ СКОПЈЕ АЕРОДРОМ

Ќе биде навистина интересно вечерва во „Јане Сандански“ за да се види колку „помладиот брат“ може да му парира на „постариот“.

Еден од „најискусните“ во „домашната екипа“, Лука Петровски, очекува неговиот тим да пружи максимум од своите можности:

„За мене лично дуелот со шампионот претставува огромен предизвик. Освен што се работи за најдобрата екипа во Македонија, тоа е екипа која игра одлична и модерна кошарка. Имаат одлични домашни и странски играчи со големо и богато кошаркарско искуство, и сето ова набројано со кое располагаат ќе биде една вистинска проверка за мене индивидуално, но и за целата наша млада екипа. Се надеваме дека ќе одиграме добар натпревар, како во нападот така и во одбраната, и свесни сме дека ќе ни биде потребна голема пожртвуваност која нема да изостане" - вели Петровски.

Свои очекувања има и Хуан Дејвис, еден од стартерите во МЗТ Скопје Аеродром.

„Мислам дека нашиот помлад тим е еден одличен и вистински натпреварувачки тим! Секојдневно работат доста напорно и играат на навистина многу високо ниво. Гладни се за кошарка и победи, имаат доста добри играчи. Очекувам еден меч со високо натпреварувачко ниво и интензитет. Возбуден сум, и едвај чекам да почне натпреварот“– заклучува Дејвис.

ПРВА ЛИГА – МАЖИ

ДВОЈКИ 5. КОЛО

ДЕНЕСКА:

18.00: МЗТ СКОПЈЕ УНИ БАНКА – МЗТ СКОПЈЕ АЕРОДРОМ

СЦ „Јане Сандански“ – Скопје

https://youtu.be/-J7Vbf73WuU

30.ОКТОМВРИ (САБОТА):

17.30: КОЖУВ – ФЕНИКС 2010

Сала „26.април“ – Гевгелија

https://youtu.be/uSxreHAoySw

18.00: РАБОТНИЧКИ – ТФТ (МРТ)

Сала СРЦ „Кале“ – Скопје