Екипите на Бадел 1862 и на Баскет Кам 2011 ја продолжуваат трката за првата позиција на табелата. Но „предизвикувачот“ и актуелен лидер, екипата на Бадел 1862 останува на чекор пред актуелниот бранител на титулата и актуелен освојувач на Купот, Баскет кам 2011.
Екипата од Македонска Каменица имаше нешто потешка задача на гостувањето во Струга, но го реализираше натпреварот со сигурен триумф од (74:60). Од друга страна пак, „баделки“ без особени напори излегоа како победници во средбата со Крива Паланка (91:68).
На третиот меч од ова 5. коло од „Оролоџото“, екипата на МЗТ Скопје Аеродром беше многу подобра од Пробаскет (83:47).
Многу поголема неизвесност има во Првата „Б“ лига. Ја „прават“ екипите на Трокал и на Гризли, кои извесно е, ќе спорат за првото место до последен момент, односно последното коло.
Во ова, Гризли излезе лесно на крај со Мега Баскет (77:16), додека пак Трокал во ист стил го „помина“ штипски Тим Арена (70:34).
Пред последното коло, новакот во оваа конкуренција, екипата на Гризли има предност во однос на составот од Кавадарци поради подобриот скор во двата меѓусебни натпревари. И ќе им биде потребен триумф против Патриот за да обезбедат место во погорниот, поточно, поквалитетниот ранг на натпреварување.
ПРВА „А“ ЛИГА
РЕЗУЛТАТИ 5. КОЛО - ОРОЛОЏО
Струга 2009 – Баскет КАМ 60:74
Бадел 1862 – Крива Паланка 91:68
МЗТ Скопје Аеродром – Пробаскет 83:47
Вардар - слободен
ТАБЕЛА: Бадел 1862 33, Баскет КАМ 2011 32, Вардар 27, Крива Паланка 22, Струга 2009 21, МЗТ Скопје Аеродром 20, Пробаскет 16;
ИДНО КОЛО (30.03)
Вардар – Бадел 1862
Пробаскет – Струга 2009
Крива Паланка – МЗТ Скопје Аеродром
Баскет Кам 2011 – слободен
ПРВА „Б“ ЛИГА-ЖЕНИ
РЕЗУЛТАТИ 17.КОЛО
Трокал – Тим Арена 70:34
Гризли – Мега Баскет 77:16
ЖКК Куманово – Патриот 2016 19:72
Гостивар – Шкупи 49:67
Риниа - слободна
ТАБЕЛА: Трокал 28, Гризли 28, Патриот 2016 27, Шкупи 24, Тим Арена 23, Гостивар 2009 22, ЖКК Куманово 2020 19, Риниа 16, Мега Баскет 15;
ИДНО КОЛО (02.04)
Гостивар – Тим Арена
Куманово – Шкупи
Гризли – Патриот 2016
Трокал - Риниа
Мега Баскет - слободен
