Пелистер и Работнички се двете екипи кои остануваат да се водат како непоразени во нашиот шампионат. Макар и по само три одиграни натпревари.
Во третиот кој од почетокот на оваа сезона го играа „зелено-белите“, беа доста подобри од составот на Куманово.
На свој терен, во салата „Боро Чурлевски“ во Битола славеа, и повеќе од убедливо...
ПЕЛИСТЕР – КУМАНОВО 2009 113:75
Силно почнаа „пелистерци“. Од самиот почеток наметнаа еден брз ритам на игра, со доста шутеви од поле. И доста прецизно во првата четвртина. Потврда за тоа беа и оние високи 32. коша дадени за десет минути. И примени само 20.
За доста солидна предност од 12.поени (32:20) која им овозможи на „зелено-белите“ доста покомотна игра.
Куманово почна „да игра“ дури во вториот период од играта. Најдобрите минути им беа оние почетните, во кои тимот на Владимир Мирковски анулира половина од високата негатива. Кумановци се доближија на пет поени негатива (29:34) по три и пол минути играње во оваа делница од играта. Во 15.минута беше и слични, (42:36).
Но во наредните пет, со серија од (13-2), „пелистерци“ стигнаа до највисоките (55:38), како што беше и на големиот одмор.
Тројца играчи од стартната постава на тренерот Марјан Илиевски ја надминаа цифрата од десет или повеќе поени. Стајиќ и Кесар имаа по 13, а Малешевиќ еден поен помалку.
Во лошото шутерско издание на Куманово (само 2/11 во шутот за три поени со девет поени се издвои Марковски, еден помалку пак даде Глигоријевиќ.
Каде што застанаа, кошаркарите на Пелистер продолжија и во второто полувреме. Ефикасно во нападот, сосема коректно во одбраната, се заедно, и повеќе од доволно да „побегнат“ на позитива од дури 27.поени (81:54), како што беше на истекот на третата четвртина.
Период од играта во кој продолжија со добриот процент на реализација во шутот од поле.
Високи 72% во обидите за два поени, и сосема солидни 42% за три, плус 85% од линијата за слободни фрлања. Премногу за заморениот кумановски тим, кој како едвај да чекаше да истекнат 40.минути од ова гостување во Битола, кое дојде во еден доста сложен момент за нив.
Битолски „хет-трик“ за максимален ефект, и кумановски (3-2) во пет одиграни мечеви од стартот на Првата лига, „осакатена“ со неодигрување на голем број на натпревари во овие осум круга, а предизвикано од присуството на коронавирусот кај поголем дел од нив.
РЕЗУЛТАТИ 8. КОЛО
МЗТ Скопје Аеродром – Еуро Никел 2005 75:87
Вардар – Академија ФМП 79:82
Пелистер – Куманово 2009 113:75
ОДЛОЖЕНИ НАТПРЕВАРИ
Работнички – Црн Црим Грин Мобиле
ТФТ - МЗТ Скопје Уни банка
Кожув - Гостивар
