Кошаркарите на Кожув ја продолжија серијата на победи во Првата лига. По четвртти пат избраниците натренерот Павле Николов излегоа како победници во однос на противниците,
Вечерва, во Гевгелија беа подобри и од вториот тим на МЗТ Скопје, со суфикс Уни Банка.
КОЖУВ – МЗТ СКОПЈЕ УНИ БАНКА 104:92
Доста израмнето се играше во првиот дел од средбата во Гевгелија. Макар што на истекот на првата четвртина гевгеличани имаа предност од пет поени (30:25).
Во продолжението од играта гостите од Скопје успеаја да го оддржат тоа поентерско ниво, и да не му дозволат на домашниот тим да направи некоја поголема разлика.
До крајот на полувремето беше видена рамноправна игра евидентирана и во резултатот. Кожув имаше смо два поени вишок (49:47), по 20.одиграни минути.
Но во продолжението од играта „црвено-белите“ делуваа мошне посигурно во однос на противникот. Во седум минути, парцијално, домаќините направија (23:11), и тоа ниско водство го претворија во доста сигурно. По 28.минути Кожув водеше со (72:58), и на повидок беше четвртата победа во серија.
До истекот на тој период, кој се покажа како решавачки, домашните кошаркари уфрлија дури 33.поени, и поведоа со уште повисоки (82:64).
Блескаше повратникот во нашиот национален тим, Кирил Николовски, кој веќе реализираше 24.поени, плус и шест скока.
