Во драматичен финиш во кој одлучуваше една топка, битолчани не успеаја да излезат како победници во дуелот со екипата од Никшиќ.
СУТЈЕСКА – ПЕЛИСТЕР 79:78
Само уште еден точен шут, оној на новото играчко засилување Најт, му беше доволен на Пелистер да дојде до уште една победа во „балонот“ кој денеска се затвора во новосадски СПЕНС.
За жал, неговиот обид не беше точен, па екипта од Никшиќ стигна до минимален триумф, кој го остава нашиот претставник во негативен скор од четири победи и шест порази пред оној последен турнир (во текот на март) во кој ќе се одиграат последните три кола од регуларната фаза на АБА 2 лигата.
Претходно, црногорскито претставбик имапеп подобра „отворање“ на мечот во кој за десет минути се стека со сосема солидно водство од (24:16). Тоа услови „пелистерци“ да ја „бркаат“ таа негатива практично да самиот крај на средбата. Но за жал, иако беше присутна желбата, мотивот, амбиции, тоа не го реализираа.
Во неизвесен финиш, прво Сапунџиев, со тројка, ја врати надежта дека може да се добие и овој меч во Нови Сад. Намали на (77:78), по што следуваше оној завршен „ролекостер“. Односно 62 секунди во кои прво Костоски беше половичен од линијата за слободни фрлања. Тоа беше доволно за егал (78:78). Дваесетина секунди подоцна, од истото место, еден „пенал“ релизираше Томашевиќ, за (79:78). А во нападот за победа, Најт не беше успешен, па „пелистерци“ мораа(т) да го признаат поразот.
Погледот на статистиката вели дека Магдевски беше најефикасниот играч на Пелистер, со реализирани 17.поени. Дека Планиниќ одигра стандардно добро, со нов двоен ефект од 15.поени и 12. скока , дека Стојановски „се врти со 11.поени, а десет имаше Маслинко. За нешто повеќе, односно триумф, евидентно, недостасуваа поени(те) од Мијовиќ и Костоски (имаа по четири на оваа средба).
