Само два месеца откако го напушти МЗТ Скопје и се пресели во романскиот прволигаш Темишвар, македонскиот репрезентативец Адем Мекиќ има и нов клуб.
Практично од денеска, репрезентативниот бек и официјално е член на Задар, откако се обврза на договорна онврска до крајот на оваа натпреварувачка сезона.
„Можеби делува изненадувачки, но се решив за промена на средината со оглед на тоа дека моите обврски кон Темишвар во оваа сезона многу извесно, ќе завршат на 7 април. Некако прерано за моите очекувања од оваа сезона. Кога се јавија луѓето од Задар, ја прифатив понудата. Сакам да играм во клуб со големо реноме, и тоа е причината што одбрав да ја доиграм оваа сезона во Задар“ – потврдува македонскиот репрезентативец
Практично, Мекиќ е прв Македонец што ќе го облече дресот на овој клуб по Тодор Гечевски кој остави длабока, неизбришлива трага во Задар и на кого се уште, со големо задоволство, се сеќаваат тамошните љубители на кошарката.
А Задар ќе биде трет клуб за сега веќе искусното крило оваа сезона која ја почна во МЗТ Скопје Аеродром, а ја продолжи во Темишвар.
