29.12.2023 НАЈДОБРА МЛАДА КОШАРКАРКА ЗА 2023 ГОДИНА Оваа година ќе остане во нејзината меморија по големите индивидуални успеси. На само 15 години дебитираше во сениорската репрезентација на Македонија. Играше и во М18 селекцијата на Европското првенство, а во меѓувреме го предводеше Вардар до титулата во М16 лигата на Македонија. „Чест и задоволство ми е што присуствувам на една ваква манифестација. Благодарност до кошаркарската федерација, благодарност до сите мои досегашни тренери и селектори. Оваа награда е голем мотив за мене за понатамошни успеси“ - порача добитничката на признанието за најдобра млада кошаркарка во Македонија.
