Кошаркарките на Баскет Кам денеска заминаа за Требиње, каде овој викенд ќе ги играат првите натпревари од новоформираната женска Балканска лига.
Натпреварување во кое во премиерната сезона 2023/2024 е предвидено да се игра според турнирски систем.
А домаќин на првиот, од неколкуте предвидени турнири е екипата на Леотар од Требиње.
Согласно со однапред формираните натпреварувачки двојки, во полуфинални натпревари, нашиот шампион за противник ја има екипата на Херцег Нови. Натпреварот е закажан за 30.септември (сабота), со почеток од 17.часот.
Нешто подоцна (19.30 часот), силите ќе ги одмерат екипите на Леотар и на Раднички од Белград.
Поразените екипи, во недела (од 10.часот), ќе играат за третото место, додека пак победниците во двата полуфинални натпревари ќе се борат за првото место, во натпреварот кој е закажан за 12. часот.
Согласно со системот за натпреварување во BBWL лигата, ова е првиот од четирите планирани турнири кои ќе се играат уште и во Херцег Нови, Македонска Каменица и Белград, каде ќе биде и завршницата на ова новоформирано балканско натпреварување.
БАЛКАНСКА ЛИГА-ЖЕНИ
30.СЕПТЕМВРИ – ПОЛУФИНАЛЕ
17.00: Баскет Кам 2011 – Херцег Нови
19.30: Леотар – Раднички
1. ОКТОМВРИ - НАТПРЕВАРИ ЗА ПЛАСМАН
10.00: Натпревар за трето место
12.00: Финале
