Стручниот штаб на репрезентацијата на Русија, предводен од селекторот Сергеј Базаревич, го објави поширокиот список на кандидат за учество на завршниот турнир од квалификациите за ЕП 2022.
На истиот се најдоа дури 27.имиња од кои Базаревич треба да ги одбере најдобрите 12 кои ќе играат на средбите пред домашната публика (ако биде дозволено од руските власти) во Перм.
Првата на 19. февруари, против нашата најдобра селекција, а два дена подоцна, на 21.февруари, и против репрезентацијата на Естонија.
Во својот избор, помалку и очекуван, Базаревич стави и две нови имиња. Крилото на Нижњи Новгород, Артем Комолов, како и 18.годишниот Павел Савков кој настапува за екипата на Ираурги, член на „ЛЕБ плата“ лигата во Шпанија, а тренира со првиот тим на Басконија.
Повикан е и Антон Квитковских од екипата на Автодор, за кого ова е втор повик, откако го откажа настапот во претходниот „балон“.
Според плановите, „зборнаја“ ќе се собере на 12. февруари во Перм, без играчите кои се дел од „Мечот на сите ѕвезди“ од ВТБ лигата кој се игра два дена подоцна, на 14. февруари.
Официјалниот дел од мини-подготовките во комплетен состав ќе почне на 15. февруари во Арената „Молот“, каде и ќе се играат натпреварите од групата „Б“ од квалификациите за Евробаскетот 2022.
ИЗБОРОТ НА РУСИЈА ЗА ФЕВРУАРСКИОТ „ПРОЗОРЕЦ“ НА ФИБА
БЕКОВИ
Играч Клуб години висина
Евгениј Бабурин Нижни Новгород 33 190
Максим Григориев Парма 30 196
Денис Захаров Зенит 27 193
Артем Комолов Нижни Новгород 27 194
Михаил Кулагин Енисеј 26 191
Григориј Мотовилов Локомотив-Кубан 23 191
Иван Стребков Нижни Новгород 29 190
Иван Ухов ЦСКА 25 193
Виталиј Фридзон Зенит 35 193
Дмитриј Хвостов Зенит 31 190
Александар Коменко ЦСКА 22 192
КРИЛА
Павел Антипов Уникс 29 203
Семион Антонов ЦСКА 31 202
Антон Астапкович Нижни Новгород 27 202
Никита Балашов Восток-65 29 207
Евгениј Валиев Химки 30 205
Андреј Воронцевич - 33 207
Андреј Зубков Зенит 29 205
Станислав Илнитски Локомотив-Кубан 26 200
Сергеј Карашев Химки 27 201
Антон Квитковских Автодор 20 200
Никита Курбанов ЦСКА 34 202
Павел Савков Ираурги/Басконија 18 200
Владислав Трушкин Зенит 27 201
ЦЕНТРИ
Џоел Боломбој ЦСКА 27 204
Владимир Ивлев Парма 30 207
Антон Пушков Зенит 32 208
Селектор: Сергеј Базаревич
