Бетис брзо се предаде во „Блауграна“, Витингтон со скромен ефект против Барса - КФСМ
27.01.2020

Бетис брзо се предаде во „Блауграна“, Витингтон со скромен ефект против Барса

Силното крило на тимот од Севиља реализираше два поени и пет скока во поразот против топ фаворитот (59:77).

 

Реал Бетис и Шејн Витингтон беа далеку од изненадување на гостувањетго во срцето на Каталонија. Во „Блауграна“ запишаа убедлив пораз од силната Барселона (59:77).

И тоа со доста скромен ефект на македонскиот репрезентативец во редовите на екипата од Севиља.

За 22:19 минути на теренот како стартер, Витингтон реализираше само два поени (1/3 од поле), а имаше и пет скока за тоа време во игра.

По 19.одиграни кола во АЦБ лигата, Реал Бетис има ефект (5-14), со кој е на 16.позиција на табелата.

Пораз запиша и вториот „македонски тим“ во АЦБ друштвото, Хувентуд. На свој терен во Бадалона, но без помошта на повредениот Ненад Димитријевиќ, „зелено-црните“ загубија убедливо од Сарагоса (72:93), и сега се на позицијата број 12, односно ефект (8-11).