Кошаракарите од Тафталиџе не успеаја да ја прекинат серијата на порази во Лигата на Балканот. Запишаа уште еден негативен резултат.
Во осмото коло и гостувањето во Тиват, ТФТ загуби од Теодо, па по осум одиграни мечеви, е на ефект од две победи и шест порази во регионалното натпреварување.
ТЕОДО – ТФТ 98:83
Една лошо одиграна четвртина, онаа втората, беше доволна скопските „црно-бели“ да дојдат до нов пораз во Балканската лига.
По израмнетата прва четвртина, во која имаа и минимална предност (22:21), попуштија во втората. Му дозволија на борбениот состав од Тиват да направи целосен пресврт.
Но и двоцифрено водство на полувремето од (47:36),
Негатива од која не се опоравија се до крајот на натпреварот. Намалија само еден поен во третиот период, (57:67), имаа и едноцифрено заостанување во последниот, (65:71), во 32.минута од играта.
Но преку тоа избраниците на тренерот Боро Смилковски едноставно не можеа оваа вечер. Набрзина Теодо направи мини серија од (8-1) за враќање на убедливото водство на недостижни (79:66), запишани на семафорот во 34.минута. Четири минути подоцна имаа и -7 (77:84), и толку...
Не успеаја во обидите да го сопрат неверојатниот Петар Кусовац, кој им уфрли рекордни во БИБЛ за оваа сезона, и уште помалку реални, но вистинити 46. поени. Скоро половина од поените на екипата домаќин која има скор (4-4).
Гостите од Скопје имаа четворица играчи со двоен број на поени. Со 24. реализации ги предводеше Амир Смит. Лаклан Андерсон заврши со 18, Шелман имаше 14, а Тај Херис уште 12.поени.
