14.09.2020

Овој викенд се одиграа уште неколку контролни натпревари во кои во главна улога беа прволигашките екипи.

Црн Дрим поуспешен во двомечот на ТФТ, Академија ФМП подобар од МЗТ Скопје Уни Банка, а Еуро Никел 2005 од Куманово

Серијата на проверки ја отворија екипите на МЗТ Скопје Уни Банка и Академија ФМП. Гостите од Кисела Вода имаа постојана резултатска предност и на крајот победија со резултат (69:60).

Најефикасен играч на мечот беше новакот во редовите на Академија ФМП, Крстајиќ, кој реализираше 29.поени, додека во победничкиот тим по десет уфрлија Петровски и Атанасов.  

Кај домашната екипа, по 13. реализации имаа Тодоровски и Митевски, а 11 даде Митков.

Во два дена екипите на Црн Дрим и на ТФТ одиграа два меча. А во двомечот во Струга, со шаховски жаргон кажано, 1.5 спрема 0.5 за стружани.

Откако во првиот меч одигран во салата „Тими“, беше нерешено (96:96), на вториот, домашната екипа стигна до сигурен триумф од 13. поени разлика (97:84).

Тренерот на гостите Боро Смилковски треба да биде задоволен од играта на новите кошаркари во тимот, Андреј Митревски и Австралиецот Лаклан Андерсон, кои реализираа 22, односно 20.поени, како и од ефектот на „староседелецот“ Страхил Николов кој релизираше 26.поени на првиот дуел.

Серијата на контролни средби ја заокружија екипите на Еуро Никел 2005 и на Куманово. На крајот, по 40.минути игра, победија кавадарчани со (95:81).