Машката сениорска репрезентација на Македонија имаше резултатски неуспешна проверка, првата и едисвтвена во периодот на подготовките за вториот претквалификациски круг за Евробаскетот 2025.
На натпреварот кој вечерва беше одигран во салата „Тополица“ во Бар, Црна Гора славеше со убедливи (89:53).
Домашната селеција имаше одличен почеток, и на истекот на првите десет минути се стекна со голема позитива (29:11), додека до заминувањето на одморот, разликата беше слична (45:27).
![](https://kfsm.mk/codeframe/external/media/source/%D0%A1%D0%B5%D0%BD%D0%B8%D0%BE%D1%80%D0%B8%20%D1%80%D0%B5%D0%BF%D1%80%D0%B5%D0%B7%D0%B5%D0%BD%D1%82%D0%B0%D1%86%D0%B8%D1%98%D0%B0/1608-%D0%BC%D0%BD%D0%B5-%D0%BC%D0%BA%D0%B4-2.jpg)
Прашањето на победникот беше решено по паузата од 15.минути кога Црна Гора направи голема серија, реализираше 16.поени по ред, за недостижни (61:27).
Дамјан Робев со десет реализации беше најефикасниот играч во нашата селекција, која веднаш по завршувањето на натпреварот во Бар, се враќа во Скопје и ги продолжува подготовките за средбите со Данска, на 25. август во Нествед. И три дена подоцна, на 28. август во Скопје кога ја пречекуваме селекцијата на Словачка.