25.12.2019

ДЕСЕТТИ МАКЕДОНСКИ СЕЛЕКТОР, 14. ВО ИСТОРИЈАТА НА МАК-БАСКЕТОТ: Тодоров е тренер со многу префикси – ПРВ!

Она што го издвојува Александар Тодоров како тренер е дека во некои работи успеал да биде прв...

 

На пример, во 2012 година Тодоров прв ја донесе шампионската титула за МЗТ Скопје во „Јане Сандански“.

Три години пред тој историски успех со клубот од Аеродром во 2009 година, стана првиот македонски тренер кој стигнал до меѓународен успех – победничкиот трофеј во Балканската лига.

Александар Тодоров кариерата ја почна во далечната 1996 година, во скопска Алумина. Потоа работеше во МЗТ Скопје. Во Аеродром се враќаше во неколку наврати. А последниот пат во текот на предминатата сезона.

Бил тренер и во екипите на Куманово, Вардар, Тоа сум јас, Чукурова, Рилски спортист, Балкан Ботевград, Динамо Букурешт, Пеќ и Левски Софија.

Во текот на февруари, наредната, 2020 година, Тодоров ќе го има и првиот сериозен испит во новата, селекторска улога.

Во февруарскиот „прозорец“ на ФИБА нѐ чекаат два квалификациски меча. Прво, на 20. февруари, со репрезентацијата на Естонија против која играме на домашен терен, а три дена подоцна, на 23.февруари, со  Русија на гостински паркет во Перм.

Историски гледано, Александар Тодоров е десетиот домашен предводник на националниот сениорски тим

Пред него во таа улога беа уште:

Александар Књазев
Стерија Андоновски
Благоја Георгиевски-Буштур
Лазар Лечиќ
Заре Марковски
Марин Докузовски
Јорданчо Давитков
Марјан Лазовски
Марјан Србиноски.

Со забелешка дека Македонската сениорска репрезентација во својата богата историја имала и четворица странски тренери-селектори:

Јовица Арсиќ
Александар Џикиќ
Драган Раца
Алеш Пипан

 

КОЈ Е АЛЕКСАНДАР ТОДОРОВ

ПЕРСОНАЛНИ ИНФОРМАЦИИ

Роден: 17.јули, 1973 година во Скопје

ТРЕНЕРСКА КАРИЕРА

1996–2000         Алумина-Скопје
2000–2001         МЗТ Скопје
2001–2002         Куманово
2002–2003         Вардар-Скопје
2004–2005         ФОН Универзитет-Струга
2005–2006         Тоа сум јас - Скопје
2006–2007         Чукурова Универзитет-Турција
2007 - МЗТ Скопје
2008–2011         Рилски Спортист-Бугарија
2011–2012         МЗТ Скопје
2012–2015         Балкан Ботевград-Бугарија
2015–2016         Динамо Букурешт-Романија
2016–2017         Пеќ-Косово
2017 - МЗТ Скопје
2018 - Левски Софија-Бугарија
2018– Крајова–Романија