06.09.2020

„Зелено-црните“ од Бадалона беа убедливи против Манреса (93:79), за трето место на турнирот

Димитријевиќ и Хувентуд како „бронзени“ во Барселона

Кошаркарите на Хувентуд стигнаа до првата победа во периодот на подготовките за новата сезона.

Во натпреварот за третото место на турнирот „Лига на Каталонија“, Ненад Димитријевиќ и соиграчите беа подобри од екипата на Манреса. Славеа со убедливи (93:79), доволно за „бронзата“ на турнирот кој се одигрува во салата „Блауграна“ под домаќинство на Барселона.

Своите три поени, македонскиот репрезентативец ги постигна во последната четвртина (1/3 за три и 0/2 за два поени). Освен тоа Димитријевиќ имаше двојно повеќе додавања - шест, плус и два скока за 23:39 минути поминати во игра.

Вечерва, (од 21.30) часот, за првото место ќе играат Барселона и МораБанк Андора.