10.06.2020 Спроведени селективни тренинзи за упис во новата учебна 2020/2021 година Државното Средно Училиште „Спортска Академија“ ги реализира селективните тренинзи за кошаркарите и кошаркарките кои идната учебна година своето образование сакаат да го продолжат токму на спортската академија. Согласно протоколот за заштита од COVID - 19, селективните тренинзи се извршија на терен од отворен тип со физичко дистанцирање помеѓу кандидатите и тренерите кои ги спроведуваат селективните тренинзи. Редарска служба водеше сметка за потребното растојание помеѓу кандидатите и присутните од минимум 2 метри во теренот и околу теренот и на местото за публика од каде ќе бидат повикувани кандидатите. Реквизитите и теренот се дезинфицира по промената на учениците.
