„ЕНДЕСА“ ЛИГА: Димитријевиќ блиску до дабл-дабл, Хувентуд ја стигна Валенсија на 6. позиција - КФСМ
04.04.2021

Нашиот репрезентативен бек имаше 13.поени и 7.асистенции во гостинскиот триумф на „зелено-црните“ кај евролигашот (102:89)

„ЕНДЕСА“ ЛИГА: Димитријевиќ блиску до дабл-дабл, Хувентуд ја стигна Валенсија на 6. позиција

Ненад Димитријевиќ не беше во стартната петорка на Хувентуд. Но тоа не му посмета на нашиот млад репрезентативец да прикаже уште една одлична игра, сега и против веројатно неговиот нареден клуб во кариерата.

За нешто повеќе од 17.минути во игра, бекот на Хувентуд стигна до скор од 13. поени (5/7 за два и 3/4 за еден поен, седум асистенции и два скока.

Впрочем, комплетната гостинска екипа од Бадалона прикажа навистина добра игра на ова гостување во Валенсија. „Зелено-црните“ имаа резултатска предност во целиот тек на средбата која на крајот ја реализираа во своја корист (102:89).

Што е поважно со оваа 17. победа во 28. одиграни мечеви досега, Хувентуд се изедначи со Валенсија, и сега го дели шестото место на табелата, кое извесно носи и избегнување на плеј-оф серии во четвртфиналето, со топ фаворитите, Реал Мадрид односно Барселона.