„ЕНДЕСА“ ЛИГА: Димитријевиќ го доби „македонското дерби“ со Вајли - КФСМ
06.03.2021

Македонските репрезентативци беа во главните улоги на дуелот во Сарагоса кој го доби Хувентуд (100:95).

„ЕНДЕСА“ ЛИГА: Димитријевиќ го доби „македонското дерби“ со Вајли

Исклучително ефикасен меч одиграа екипите на Касадемонт Сарагоса и Хувентуд во рамките од 25. коло од шпанската „Ендеса“ лигата.

Дуел на кој победата ја однесоа гостите од Бадалона (100:95)

Особено интересен, ако се знае дека на едната страна, во домашната екипа играше Џејкоб Вајли, додека пак на другата, во екипата на Хувентуд играше неговиот репрезентативен колега, Ненад Димитријевиќ.

И што е особено битно, двајцата македонски репрезентативци беа во главните улоги.

Новиот играч на тимот од Сарагоса го одигра третиот меч во новиот дрес. И имаше одлично издание. Го заокружи со дабл-дабл ефект од 21.поен (9/16 во шутот од поле,3/4 од линијата за слободни фрлања), плус и десет скока и едно успешно додавање за 26:29 минути на теренот.

На другата страна Ненад Димитријевиќ дојде до скор од  19.поени (2/3 за три, 6/9 за два и 1/2 за еден поен), пет асистенции и еден скок за 25:25 минути во игра.

Меч по кој Хувентуд има скор од 13-10, доволен за седмото место на табелата, додека пак Сарагоса останува на ефект (10-13). За 11 место во вкупниот поредок на „Ендеса“ лигата во Шпанија.