Џејкоб Вајли и неговата екипата Касадемонт Сарагоса го завршија својот настап во „Ендеса“ лигата за сезоната 2020/2021.
Дуелот на домашен терен против Тенерифе (го загубија убедливо со 60:91), беше и последната работна обврска за македонскиот репрезентативец во оваа сезона, која силното крило ја подели на два дела.
Во првиот беше играч на Гран Канарија, а во вториот продолжи како играч на тимот од Сарагоса.
На разделба со Сарагоса, која по овој пораз остана на 13.позиција на табелата, како стартер, Вајли одигра 23:12 минути во кои реализираше седум поени (3/7 за два и 1/1 за еден поен) и три скока.
Во наредната сезона, Џејкоб Вајли ќе се врати во тимот од Канарските Острови со кои има уште една година од актуелниот договор.
