Малки поинакво, далеку подобро издание на нашата селекција „Под 20“ години на вториот натпревар на шампионат во Полска. Одлично одиграно прво полувреме, пад во играта во третата четвртина, и на крајот втор неуспех за избраниците на селекторот Боро Смилковски.
Утре поладне, од 18.часот, е третата шанса за успех, дуел против селекцијата на Белгија.
МАКЕДОНИЈА - ТУРЦИЈА 55:90
Очигледно беше дека нашите млади кошаркари го надминаа она што им се случуваше на оној премиерен меч со фаворитот Шпанија, кој извесно веќе и го заборавија.
Во дуелот со Турција влеговме многу посамоуверено. Макар што противникот се стекна со почетна предност од (19:14), најдовме начин како сето тоа да го „свртиме“, односно со серија од (8-0), во 8.минута и да поведеме. По поените од линијата за слободни фрлања на Иванов беше (22:19) за Македонија.
Но не го задржавме, затоа што Турците постигнаа четири поени, за „минималец“ (23:22), по првата четвртина.
Она што го радуваше нашиот стручен штаб предводен од селекторот Боро Смилковски е што во тој прв период од натпреварот, дури седуммина наши кошаркари се запишаа во листата на стрелците.
На почетокот на втората четвртина, Македонија повторно поведе, макар и минимално, по првите поени на Јовановиќ, беше (28:26). Следуваше нова серија поени на противникот, но со четири поени во серија Шокиќ не дозволи таа да (по) трае, намали на (34:36), и згора на тоа, го натера турскиот селектор Ендер Арслан, на нов тајм-аут за кратко време.
Не се задоволивме со тоа, затоа што по тројката на Бојчев, во 19.минута, резултатот беше нерешен (38:38). Но слично како и на крајот на првата четвртина, со четири поени по ред, Турција стигна до предност на полувремето, (42:38).
За жал, серијата на Турција продолжи и по паузата од 15.минути. За четири минути, противникот додаде уште десет поени, за најубедливо водство на мечот (52:38), и извесно тајм-аут за Смилковски, во обид да ја сопре серијата на турската селекција.
Но не успеавме да го одбраниме тој налет во кој Турција стигна и до уште поубедливи (60:38), па нашиот селектор беше приморан да потроши уште една минута за одмор и совети, како понатаму во четвртината во која противникот направи огромна предност и исчекори кон првиот триумф на првенството.
Стојаноски реализираше 12 поени, имаше и осум скока, Бојчев дојде до десет поени, Шошкиќ запиша девет, а Симиќ уште осум поени во нашата селекција.
Својот трет натпревар од групата „Ц“ нашите младинци ќе имаат веќе утре попладне, поточно од 18. часот, за кога е закажан дуелот потив репрезентацијата на Белгија.
А дека Шпанија е топ-фаворит за освојување на медал, можеби и најсјасниот, покажа и на дуелот против репрезентацијата на Белгија. Славеше „црвената фурија“ со повеќе од убедливи (81:45), доволни за прво место во оваа конкуренција во групата „Ц“ од евро-шампионатот во Полска.
ЕП – „ПОД 20“- MAЖИ-ДИВИЗИЈА „А“- ГДИЊА 2024
ГРУПА „Ц“
РЕЗУЛТАТИ
ПРВО КОЛО
Турција – Белгија 62:64
Шпанија – МАКЕДОНИЈА 93:38
ВТОРО КОЛО
Белгија – Шпанија 45:81
МАКЕДОНИЈА – Турција 55:90
ТАБЕЛА
1.Шпанија 2 2 0 174:83 4
2.Турција 2 0 1 152:119 3
3.Белгија 2 1 1 109:143 3
4.МАКЕДОНИЈА 2 0 1 93:183 2
ИДНО КОЛО (15.ЈУЛИ)
15.30: Турција - Шпанија
18.00: МАКЕДОНИЈА – Белгија
