Висок пораз запиша нашата женска кадетска репрезентација на отворањето на Европското првенство од Дивизијата „Б“ кое денеска стартуваше во Подгорица.
Далеку подобра од нашата, беше селекцијата на Србија.
МАКЕДОНИЈА – СРБИЈА 24:113
Само неколку минути, оние уводните во „Бемакс“ Арената се водеше рамноправна борба. Но веќе до истекот на првиот период, фаворитот го презема работите во своите раце. По десет минути игра, Србија поведе со (27:8).
Многу брзо беше и (41:10), кога стана јасно дека Србија без проблеми ќе стигне до висок триумф.
Очекуваме доста подобра игра, од нашата кадетска елекција на вториот меч на првенството во Подгорица. Утре вечер, од 18.45 часот, за противник ја имаме селекцијата на БиХ, која во првиот меч од групата „А“ славеше победа над Ирска (60:55), додека селекцијата на Холандија беше слободна во ова друштво.
