Евролигата одлучи: Да се продолжи со играње, кога ситуацијата ќе „нормализира“ - КФСМ
25.03.2020

Евролигата одлучи: Да се продолжи со играње, кога ситуацијата ќе „нормализира“

Членовите на Извршниот одбор на „ЕЦА“, компанијата која раководи со натпреварите во Евролигата односно Еврокупот, денеска се состанаа во обид да се најде решение за актуелниот момент.

На состанокот, преку конференциска врска, е анализирана еволуцијата на глобалната пандемија COVID-19, и нејзиното влијание врз натпреварувањата кои се под нивна јурисдикција:

Членовите на одборот донесоа неколку битни заклучоци за иднината на двете најквалитетни натпреварувања на Стариот континент

- Натпреварите ќе продолжат откако ситуацијата ќе овозможи да има оптимални здравствени и безбедносни услови за сите учесници, по препораките на релевантните здравствени власти и локалните самоуправи.

- Давање приоритет на финишот на сезоната 2019-20 на Евролига со постојниот формат, што значи играње на преостанатите редовни кола, плеј-оф и финалниот турнир на четирите најдобри. Ова најверојатно би значело крај на првично закажаните мајски датуми, кои ќе претрпат и промени

Истиот принцип ќе се применува и во сезоната 2019-2020 во Еврокупот.

- Продолжување со анализирање на потенцијални алтернативни системи за натпреварување кои би можеле да се активираат само доколку ситуацијата тоа го бара.

- Заеднички ставови и принципи што треба да се предложат до Евролигата, асоцијација за играчи и одборот за тренери на Евролига, кои вклучуваат, меѓу другото: потенцијално враќање на играчите и главните тренери во нивните матични градови и: обврските на играчите и на тренерите, вклучително и прилагодени плати за време на суспензиите на натпреварите.

- Да се ​​направат пофлексибилни регулативите за финансиска стабилност и фер-игра за 2019-20 се додека не се добие поголема сигурност за идната еволуција на финансиската состојба.

- Важно за сите засегнати страни (лига, клубови, играчи, тренери, судии, амбасадори) да ја признаат својата одговорност како референтни точки и / или како извор на инспирација за многумина, да придонесат на координиран начин за да помогнат во борбата против COVID-19 на секој можен начин.