Во 30. финале, екипата од Аеродром влегува со многу повеќе трофеи, но тоа во серијата која стартува денеска, не мора ништо да значи
Вечерва во СЦ „Јане Сандански“ во Скопје, ќе стартува финалната серија од плеј-офот. По 29. пат во 30. првенствени сезони, ќе се одлучува кој ќе биде новиот шампион.
Македонија чека на новиот кошаркарски првак, но низ финалната серија, „подобар од пет“ натпревари, одговор на тоа прашање ќе ни дадат екипите на МЗТ Скопје Аеродром и на Пелистер.
МЗТ Скопје Аеродром ќе атакува на деветтиот, а Пелистер на првиот шампионски трофеј
Тие ја поминаа првата пречка, полуфиналната. „Металците“ се без пораз (во полуфиналето со ТФТ), додека пак од друга страна „пелистерци“ запишаа пораз во серијата со Еур0 Никел 2005, на гостински терен во Кавадарци.
Што велат оние историски факти за големото финале кога станува збор за двете екипи финалисти кои ќе се борат за шампионскиот пехар?
*За МЗТ Скопје ова ќе биде вкупно 16. финална серија...
*По десетти пат по ред „сино-белите“ ќе играат во серијата за шампионскиот трофеј
*МЗТ Скопје (Аеродром) има по осум победи и седум порази во финалето
*Сите седум порази на МЗТ Скопје се во дуелите со Работнички
*Првата шампионска титула МЗТ Скопје ја освои во сезоната 2011/2012 кога беше поуспешен Фени Индустри (4-1 во финалето)
*Пелистер атакува на својата прва шампионска титула
*Ова ќе биде прва финална серија помеѓу овие два клуба низ историјата
*Работнички е нашиот најтрофеен клуб, има 15.титули во 29.сезони
*Прваци на нашата држава биле уште и екипите на Никол Ферт од Гостивар и Струмица
ИСТОРИЈАТ
Досегашни шампиони на Македонија - мажи
СЕЗОНА 1992/1993 Работнички – МЗТ Скопје 3:0
СЕЗОНА 1993/1994: Работнички – Кочани Деликатес 3:2
СЕЗОНА 1994/1995: Работнички – Кочани Деликатес 4:3
СЕЗОНА 1995/1996: Работнички – МЗТ Скопје 3:0
СЕЗОНА 1996/1997: Работнички - Жито Вардар 4:2
СЕЗОНА 1997/1998: Работнички – МЗТ Скопје 3:2
СЕЗОНА 1998/1999: Работнички – МЗТ Скопје 3:2
СЕЗОНА 1999/2000: Никол Ферт – Работнички 3:2
СЕЗОНА 2000/2001: Работнички – МЗТ Скопје 3:0
СЕЗОНА 2001/2002: Работнички – Куманово 4:2
СЕЗОНА 2002/2003: Работнички - Поло Трејд 3:0
СЕЗОНА 2003/2004: Работнички – МЗТ Скопје 4:1
СЕЗОНА 2004/2005: Работнички – Вардар 4:2
СЕЗОНА 2005/2006: Работнички – Вардар 4:1
СЕЗОНА 2006/2007: Струмица – Работнички 4:1
СЕЗОНА 2007/2008: Фени Индустри – Струмица 4:3
СЕЗОНА 2008/2009: Работнички – Фени Индустри 4:2
СЕЗОНА 2009/2010: Фени Индустри - Вардар Осигурување 4:3
СЕЗОНА 2010/2011: Фени Индустри – Работнички 4:1
СЕЗОНА 2011/2012: МЗТ Скопје Аеродром – Фени Индустри 4:1
СЕЗОНА 2012/2013: МЗТ Скопје Аеродром – Кожув 4:0
СЕЗОНА 2013/2014: МЗТ Скопје Аеродром - Работнички 3:1
СЕЗОНА 2014/2015: МЗТ Скопје Аеродром – Куманово 3:0
СЕЗОНА 2015/2016: МЗТ Скопје Аеродром - Куманово 3:1
СЕЗОНА 2016/2017: МЗТ Скопје Аеродром – Карпош Соколи 3:2
СЕЗОНА 2017/2018: Работнички – МЗТ Скопје Аеродром 3:0
СЕЗОНА 2018/2019: МЗТ Скопје Аеродром – Работнички 3:0
СЕЗОНА 2019/2020: не беше прогласен шампион
СЕЗОНА 2020/2021: МЗТ Скопје Аеродром – Еуро Никел 2005 3:0
СЕЗОНА 2021/2022: МЗТ Скопје Аеродром - Пелистер ???
