11.09.2020

Европската зона на ФИБА, поддржана од Европската унија, започнува нов проект

ФИБА Европа дополнително ја поттикнува улогата на жените-тренери и жени-судии

Проект што ќе им ги даде нови можности на следната генерација на жени-тренери и жени-судии.

Врз основа на концептот на размена и подвижност на учење, оваа најнова иницијатива, поддржана од Размена на подготвителни акции на ЕУ и мобилност во спортот, ќе им помогне на жените кои работат во спортски организации да ги подобрат своите компетенции, квалификации.

А во исто време и да ги развијат своите постојни вештини со поминување на одредено време во друга земја од нивната, во и надвор од границите на Европската Унија.

Како дел од програмата, тренерите и судиите ќе можат да учествуваат во низа различни активности, вклучувајќи пласмани, периоди на обука и студирање, како и пристап до менторство.

Носечки, односно централен дел  на проектот ќе биде учеството на Европскиот самит за кошарка на ФИБА, што ќе се организира во Словенија во 2021 и 2022 година.

Организирана во партнерство со Националните федерации на Финска, Франција, Словенија и Шпанија, кои ќе обезбедат стручни тренери и инструктори за судии во текот на фазата на менторство, програмата ќе вклучува и специјална соработка со српската кошаркарска федерација.

ФИБА Европа ќе ги покани сите 50. национални федерации да придонесат во процесот на селекција со доставување на жена-тренер и жена-судија за проектот.

Познатиот српски кошаркарски тренер, Марина Маљковиќ, која ја предводеше својата земја до историската прва титула на ФИБА за жени во Евробаскетот и првото олимписко учество и медал, ќе ја води тренерската програма.

Во меѓувреме, нејзината сонародничка Јасмина Јурас ќе ја предводи програмата за судење како една од двете жени судии на ФИБА која има црна лиценца и може да суди на кое било натпреварување на ФИБА.

„Со тоа што ЕУ обезбедува значителен финансиски грант, дополнителниот придонес за кофинансирање од ФИБА Европа обезбедува уште еден доказ за нејзината постојана посветеност да има ефективна стратегија за нејзините различни развојни програми“ - рече извршниот директор на ФИБА за Европа, Камил Новак.

Во согласност со своите долгорочни стратешки цели, ФИБА Европа, исто така, стави значителен акцент на промовирање на кошарка за жени и девојки низ Европа со програмата за девојчиња на ФИБА Европа (нејзиниот свет, нејзините правила), како и давање големо значење на поддршката за подобни проекти за кошарка за млади и учество на младински репрезентации на Националните федерации преку ФИБА Европа Фонд за развој на млади.