Атина, односно „ОАКА“ Арената важат како главни кандидати за добивање на организацијата на финалниот турнир од ФИБА Лигата на Шампионите.
Се очекува многу скоро менаџментот на ЛШ да ја донесе и конечната одлука како да биде продолжено ова натпреварување кое беше прекинато поради пандемијата предизвикана од корона вирусот.
Многу извесно е дека Атина ќе ги дочека најдобрите осум екипи од најквалитетното натпреварување организирано од страна на ФИБА.
А најчесто разгледуваните термини се оние во периодот од 28.септември до 4.октомври.
„ОАКА“ Арената и Атина веќе беа во една таква улога на организатори на завршниот турнир во 2018 година.
А освен тоа, како главна предност е фактот дека во Грција постои можност овој турнир да се игра и со присуство на публика, секако, со добивање на „зелено светло“ од страна на надлежните здравствени и безбедносни органи во оваа земја.
Секако тоа со ограничен број, согласно со локалните протоколи за спорт.
А во случај тоа да не биде изводливо, како втора опција, и кандидат за организација на „Фајнал 8“ се појавува Анкара, односно Турк Телеком.
Од овој клуб изразиле подготвеност за добивање на организацијата, а таа нивна желба е комплетирана и со неколку атрактивни трансфер-потписи.
ФИБА Лигата на Шампионите беше прекината по одигрувањето на првите две кола од ТОП 16 фазата.
