ФИНАЛЕН РЕПОРТ НА ФИБА: Димитријевиќ-Вајли како „eден-два удар“ на Македонците - КФСМ
26.02.2021

„Кој знае што можеше да се случи ако Македонија не требаше да брка – 9 во Перм“, е главното прашање на анализата

ФИНАЛЕН РЕПОРТ НА ФИБА: Димитријевиќ-Вајли како „eден-два удар“ на Македонците

Машката селекција на Македонија доби висока „Б“ оценка односно втора по рангирањето на ФИБА за настапите на последниот „балон“ во квалификациите.

Најдобро оценета селекција, со оценка „А“, е домашната, која во Перм финишираше со две победи, со кои го потврди учеството на Евробаскетот. Веднаш до нив сме ние и Италија, со забелешка дека имаме подобар скор од аѕурите на турнирот. Две победи и два порази на собирот во Русија, додека пак нешто послаба е оценката за Естонија.

Но заклучокот на специјалистите на ФИБА е дека се можеше да биде и поинаку за нашата селекција. Но и дека сме добиле нов убиствен тандем во нападот.

„Тоа беше храбар обид на Македонија, и гледајќи ги како победија неколку натпревари во Русија, тоа ги врати спомените од 2011 година, кога беше толку лесно да се вљубиш во црвено-жолтата боја.

Ненад Димитријевиќ и Џејкоб Вајли сега се ‘еден-два удар’ за Македонија. Кој знае што можеше да се случи ако не требаше да ја бркаат таа разлика од 9 поени во која влегоа на првиот натпревар од овие квалификации“ ... се вели во финалниот репорт на ФИБА за групата „Б“ во овој квалификациски циклус.