Екипата на Вардар е вториот учесник во финалето на М14 лигата во женска конкуренција.
По голема борба во текот на целиот натпревар, на крајот, младите„вардарки“ славеа победа над штипска Тим Арена.
ТИМ АРЕНА – ВАРДАР 62:69
Младите кошаркарки на Вардар се стекнаа со солидна предност во првото полувреме. Имаа плус од седум поени (29:22) на истеккот на првиот дел од полуфиналето.
Екипата од Штип направи пресврт во третата четвртина. Тим Арена ја доби таа делница со (26:17), доволно за да го превземе водството (48:46).
Но онаа последната, и решавачката им припадна на пионерките на Вардар, со идентичен плус од девет поени (23:14), доволен за пласман во финалето кое е на програмата утре попладне, од 14.30 часот, а за противник го имаат домаќинот на овој турнир, екипата на Петровски.
Во малото финале, од 12.часот, во салата „Боро Чурлевски“ во Витола, пак ќе играат делчевски Патриот 2016 и штипска Тим Арена.
Капитенот Ивановска дојде до 27.реализации, Блажевска забележа 13.поени, а Антова реализираше уште 11.поени за Вардар.
Дојчинова дојде до 26.поени, Балабанова дополни со уште 17.поени за Тим Арена.
ФИНАЛЕН ТУРНИР М14 ЛИГА-ЖЕНИ
РЕЗУЛТАТИ - ПОЛУФИНАЛЕ
Петровски – Патриот 2016 70:53
Тим Арена – Вардар 62:69
8.ЈУНИ (НЕДЕЛА)
ЗА ТРЕТО МЕСТО
12.00 Патриот 2016 - Тим Арена
ФИНАЛЕ
14.30:Петровски - Вардар
