Ѓуроски почна со 15. поени за ХЛА Аликанте, и победа над Гранада - КФСМ
24.09.2020

Македонскиот репрезентативец се најде во почетните пет во првиот меч за новиот тим

Ѓуроски почна со 15. поени за ХЛА Аликанте, и победа над Гранада

Откако со соиграчите „негативно“ го помина ПЦР тестирањето од Ковид-19, Стојан Ѓуроски го одигра и својот прв натпревар во дресот на новиот клуб.

Навистина, станува збор за еден контролен натпревар, првиот кој ХЛА Аликанте го одигра за време на подготовките за новата сезона во ЛЕБ Голд натпреварувањето во Шпанија.

Македонскиот репрезентативец имаше доста добри минути во триумфот над Ковиран Гранада (90:80), реализиран уште во првото полувреме во кое домашната екипа имаше огромни (61:35). Високото крило реализираше 15.поени, и беше еден од неколку домашни играчи кои завршија со двоен број на поени во победничката екипа.