13.11.2020 Капитенот на нашата репрезентација одигра нешто повеќе од 11.минути, шутна и погоди само еднаш за три поени... Војдан Стојановски неговиот Гравелин Данкерк, го искористија „празниот простор„ во ЛНБ лигата на Франција да одиграат уште една пријателска средба. И повторно со својот сосед, екипата на Ле Портел, но сега на гостински терен. А Стојановски и соиграчите ја загубија оваа втора проверка со минимални (89:92). Капитенот на нашата сениорска селкеција беше во првата петорка кај „морнарите“. Не играше многу, нешто повеќе од 11.минути во кои даде три поени. Го погоди единствениот обид за три, а освен тоа за така кратко време на теренот додаде и по два скока односно две асистенции.
