На 20. септември (сабота), салата на нишкото основно училиште „Мика Антиќ" ќе биде епицентар на спортските случувања затоа што е закажан, односно ќе се одржи Купот на Србија во кошарка во колички. Настан кој го промовира спортскиот дух и инклузија, а го организира Сојузот на клубови на кошарка во колички на Србија.
На Купот на Србија силите ќе ги одмерат три тима: ККК „Наис“ од Ниш, ККК „Мега Деспот“ од Београда и нашиот „Хоуп Спорт“ од Скопје.
Системот на натпреварување е турнирски, односно трите клуба-учесници ќе одиграат по два натпревари по принципот„секој со секого“.
Три дена по одржувањето на турнирот во Ниш, почнува и Европската недела на спортот. Во пресрет на истата, за време на турнирот ќе биде промовиран и „Ерасмус +“ проектот на мали партнерства во рамките на проектот "Building Bridges", во кој како еден од партнерите е и нашиот клуб, „Хоуп Спорт“.
Проектот е создаден како би се поттикнала меѓународната соработка во областа на кошарката во колички, а целите се зголемување на компетенцијата и знаењата на тренерите кои работат со кошаркарите во колички, креирање на можности за спортистите во колички и подигнување на свеста и пружање на видливост на кошарката во колички, како и зголемување на спортските активности.
Покрај играчите, Македонија ќе има претставник и кај судиите. Тоа е Марјан Богески, кому, почнувајќи од овој собир во Ниш, во улога на ментори ќе му бидат долгогодишните судии во кошарка во колички, Марко Стојановиќ и Иван Митровиќ, како и членот на судиската комисија при КСС, задолжен за следење и унапредување на судискиот кадар, проф. Игор Ѓорѓевиќ.
КУП НА СРБИЈА-КОШАРКА ВО КОЛИЧКИ–НИШ-2025
РАСПОРЕД НА НАТПРЕВАРИТЕ
20. СЕПТЕМВРИ
09.15: ККК Наис-Ниш – Хоуп Спорт–Скопје
11.15: Хоуп Спорт–Скопје – ККК Мега Деспот-Белград
13.15: ККК Мега Деспот-Белград – ККК Наис-Ниш
* Сите натпревари се играат во салата на ОУ „Мика Антиќ“ во Ниш
