Информација до јавноста - КФСМ
19.11.2020

Тренинзите на нашата сениорска репрезентација ќе бидат од делумно oтворен карактер.

Информација до јавноста

Тренинзите на нашата машка сениорска репрезентација во периодот од 20. до 23. ноември, кои ќе бидат реализирани во Спортскиот центар „Јане Сандански“ во Скопје, ќе бидат од делумно oтворен карактер.

Со строго ограничено присуство на други, неофицијални лица, кои ќе бидат наведени во задолжителниот список на присутни лица, кој ќе биде доставен до Спортскиот центар, каде ќе се реализираат тренинзите, а е во согласност со општиот протокол за организирање на натпревари и тренинзи во затворени објекти.

Претходно акредитираните новинари, ТВ камермани и фоторепортери од нашите почитувани медиуми, за натпреварите од квалификациите за ЕП 2022 година, можат да присуствуваат, и да ги реализираат своите професионални обврски во првите 15.минути од тренинзите. Но, во ограничен определен простор, на трибината во малата сала на СЦ „Јане Сандански“, и без никакви физички, непосредни контакти со стручниот и играчкиот дел од националниот тим за време на тренинзите.

Согласно општиот Протокол, не е предвидено одржување на прес-конференции за време на подготовките во овој ноемвриски квалификациски циклус за Евробаскетот 2022.

Претставниците на медиумите ќе имаат можност секојдневно да се информираат за сите активности на нашиот национален тим, преку одговорното лице за односи со јавноста, официјалната страница www.kfsm.mk, фан-страната на КФСМ на Фејсбук, како и на Инстаграм профилот на федерацијата.