По првичните одлуки на ФИБА соопштени претходно, Извршниот комитет на ФИБА Европа донесе дополнителни неопходни одлуки со оглед на неодамнешните настани во Украина.
Пред се, за да го заштити интегритетот на натпреварите и безбедноста на сите учесници, како и да обезбеди правичност за украинските играчи, тимови, клубови и официјални лица кои моментално не можат да учествуваат на настаните организирани од ФИБА Европа.
Членовите на Извршниот комитет одлучија да ги спроведат одлуките на ФИБА на натпреварите на ФИБА Европа со непосреден ефект и на следниов начин:
-Да не се дозволи учество на руски тимови во клупските натпреварувања на ФИБА Европа до понатамошно известување;
-Да не се дозволи учество на руски официјални лица, вклучително делегати, супервизори, судии итн. во натпреварите на ФИБА Европа до понатамошно известување;
-Сите натпревари на украинските клубови во ФИБА Европа, клупските натпреварувања мора да се играат надвор од територијата на Украина, но во рамките на европскиот континент;
-Да се суспендира кандидатурата на Русија за ФИБА Евробаскет 2025, додека постапката за наддавање ќе се одвива според планираното.
Во согласност со одлуките, сезоната 2021-2022 на клупските натпреварувања на ФИБА Европа ќе продолжи без руски тимови, со влијание од Евролигата за жени, Еврокупот за жени и ФИБА Европа Купот.
По исклучувањето на УММЦ Екатеринбург, Динамо Курск и МБА Москва од Евролигата за жени, четвртфиналните двојки и листата на екипи квалификувани за Еврокупот за жени ќе бидат ревидирани според рангирањето.
Како петтопласирани екипи во соодветните групи, ТТТ Рига и Спар Жирона, ќе ги заменат УММЦ Екатеринбург и Динамо Курск во четвртфиналето.
Во меѓувреме, КСЦ Сексард и Галатасарај ќе ги заменат ТТТ Рига и Спар Жирона во четвртфиналето на Еврокупот за жени.
Ревидираните двојки од четвртфиналето на женската Евролига се:
Парфимеријас Авенида (ШПА) - Спар Жирона (ШПА)
Сопрон кош (УНГ) - БЛМА (ФРА)
Фенербахче Сафипорт (ТУР) - ТТТ Рига (ЛЕТ)
ЗВВЗ УСК Праха (ЧЕШ) - Берета Фамила Скио (ИТА)
По исклучувањето на Саратов Автодор од ФИБА Европа купот, тимот кој го предводи нашиот Емил Рајковиќ во четвртфиналето ќе бидат заменети со следниот најдобар тим од групата „Л“ од второто коло, Бакен Беарс, со ревидирани двојки според рангирањето.
Ревидираните двојки од четвртфиналето на Купот на ФИБА Европа се:
ЗЗ Лајден (ХОЛ) - Хакро Мерлинс (ГЕР)
Колеџ Бахчешехир (ТУР) – Спортинг (ПОР)
Реџо Емилија (ИТА) – Легија Варшава (ПОЛ)
Орадеа (РОМ) – Бакен Беарс (ДАН)
