Во дуелот на на двете најдобри екипи во дивизијата Пацифик-12, триумфираше Аризона со (86:82), по две продолженија, откако во регуларниот дел од играта резултатот беше (70:70), а по првото продолжение (76:76).
Македонскиот репрезентативец Андреј Јакимовски одигра уште еден одличен натпревар. Стигна до нов поентерски личен рекорд. Забележа 15. поени, а одигра 42 минути што, исто така, е најдолго време поминато на терен за него.
Младиот Македонец имаше четири погодени тројки од шест обиди и додаде осум скока и една асистенција, со кои го покачи својот просек на постигнати поени на 7.1, и на скокови, по 5.8 по натпревар.
