Кошаркарите на Барселона, играчи „Под 18“ години, се победници на квалификацискиот турнир на Евролигата во оваа возрасна категорија кој во изминатите три дена се одржуваше во Валенсија.
Со победата и тоа убедлива од (79:55), во финалниот натпревар, против „соседите“ од Бадалона, екипата на Хувентуд, Теодор Симиќ и неговите соиграчи се пласираа на завршниот турнир на Евролигата кој следната година, во мај, ќе се одржи во Келн.
Теодор Симиќ одигра 11:49 минути во првото полувреме од финалето. Реализираше три поени, имаше и четири скока и една асистенции. А каталонските „бордо-сини“ имаа постојана контрола над резултатот во тие 20.минути кои ги завршија со предност (32:26).
Во продолжението, најмладиот играч на каталонскиот гигант дојде до уште подобар ефект. Финалето го заврши со учинок од 12.поени (5/11 за два и 2/3 за еден поен), имаше и пет скока и едно додавање за 25:45 минути поминати во игра во мечот на одлука во Валенсија.
