Кадетите против Русија ја започнуваат втората фаза на ЕП - КФСМ
11.08.2019

Кадетите против Русија ја започнуваат втората фаза на ЕП

Нашата кадетска репрезентација од деветти август учествува на Европското првенство за кошаркари до 16 години кое се одржува во Удине, Италија.

Кадетите се дел од групата Б заедно со соодветните селекции на Шпанија, Израел и на Летонија. На првиот натпревар нашите кадети одиграа изедначен натпревар против врсниците од Шпанија и запишаа тесен пораз. На кошаркарите на Израел им беа потребни три продолженија за да ни го нанесат вториот пораз. На третиот натпревар го запишавме првиот триумф, против соодветната селекција на Летонија.

Вкупниот резултат не пласира на третото место во групата, што значи разигрување во втората фаза која почнува со round of 16 против второпласираниот во групата А - селекцијата на Русија. Потоа следи разигрување против Турција или против Босна и Херцеговина во зависност од резултатот.