17.06.2020

Десет поени и четири асистенции за Ненад Димитријевиќ за Хувентуд во поразот од Барса (92:96)

„Каталонското отворање“ во Валенсија за Барселона

Кошаркарите на Хувентуд со пораз го стартуваа завршниот турнир од „Ендеса“ лигата кој се игра во Валенсија.

Во уводниот меч на 12. најдобри тимови во Шпанија за сезоната 2019/2020, Барселона славеше во каталонското дерби со Хувентуд (96:92).

Ненад Димитријевиќ беше во стартната петорка на Хувентуд.

Во првиот дел од играта македонскиот репрезентативец одигра повеќе од 12. минути. Репрезентативниот бек реализираше шест поени (3/7 за два и 0/1 за три поени), имаше и една асистенција.

А Хувентуд, ослабен со неиграњето на својот прв поентер, Клемент Препелич, не успеа да се опорави по лошите, стартни, пет минути во кои Барселона поведе со (16-2), и првото полувреме го реши во своја корист со идентична предност од (44:30). До истекот на третиот период, Димитријевиќ додаде уште два поени (од линијата за слободни фрлања), но Барселона ја одржуваше високата разлика.

Водеше со резултат (74:57).

Со серијата од (12-0) во нецели три минути, Хувентуд се симна на едноцифрена негатива (69:76), а Нено ја запиша и четврттата асистенција на мечот, а по неговиот десетти поен, беше и (71:78). Екипата од Бадалона обезбеди неизвесна завршница во која Барса сепак се одбрани и стигна до првиот триумф на турнирот во Валенсија.

Меч во кој Македонецот запиша десет поени (0/3 за три, 4/8 за два и 2/2 за еден поен), четири асистенции и еден скок за 26.минути во игра.

Во второто коло од групата „А“, за два дена, на 19.јуни, Хувентуд ќе игра против екипата на Билбао Баскет.