01.10.2021

Првата лига-мажи оваа година ќе (про) слави еден убав јубилеј. Ќе се игра 30.сезона од постоењето на независна македонска кошарка.

Кој ќе биде најдобар во јубилејната 30. сезона во македонската Прва лига?

Првата лига-мажи оваа година ќе (про) слави еден убав јубилеј. Ќе се игра 30.сезона од постоењето на независна македонска кошарка.

 

А што носи со себе новото издание на нашето најквалитетно клупско натпреварување?

Натпревар на 12. екипи кои тргнуваат во обидот да бидат најдобри. Да се обидат да ја земат, или задржат, во овој случај, МЗТ Скопје Аеродром, шампионската титула освоена во ланското првенство.

Две од нив се во улога на дебитанти во најсилната конкуренција, Феникс 2010 и Ангели Двете се од Скопје, каде дефинитивно е „базирана“ нашата Прва лига во сезоната 2021/2022. Особено ако се земе в предвид дека во шампионатот ќе учествуваат и најтрофејниот наш клуб, Работнички, ланските дебитанти, Навико Академија ФМП, и ТФТ, како и „вториот тим“ од Аеродром, МЗТ Скопје Уни Банка.

Ако се суди според возбудувањата кои ги донесе натпреварот во Суперкупот, тоа ќе биде една доста изедначена сезона, во која изразит, како што знае да каже шефот на струката на шампионот, МЗТ Скопје Аеродром, Дарко Радуловиќ – нема!  

Можеби, „на хартија“, и според количината на домашни имиња, најголема конкуренција на МЗТ Скопје Аеродром, ќе биде екипата на Пелистер, вториот наш учесник во АБА 2 лигата. Ристерот кој го креираа „пелистерци“ треба да е своевидна гаранција за висок(и) резултат (и).

Никако не смее да се заборави на Еуро Никел 2005, ланскиот „предизвикувач“ на металците“ во големото финале на плеј-офот, и на Работнички, макар тимот од „Градски парк“ е во фаза на своевиден „ребилдинг“, на сите клупски нивоа.

Во слична ситуација влезе и Гостивар, екиоа во која исто така се случија доста, пред сè, играчки промени, па и Куманово, кој заедно со ТФТ се обидоа, излегоа надвор, во Европа, макар што нивниот престој траеше (пре) кратко.

Извесно е дека во Аеродром размислуваат на уште поголем просперитет на МЗТ Скопје 2.

Тотална непозната се двата нови прволигаши, макар што Феникс 2010 прикаже неколку добри игри на претсезонскиот турнир во Скопје во кој стигна до финалето (загубија од ТФТ). Но и гевгелиски Кожув, кој сепак е во предност во однос на дебитантите во друштвото на најдобрите.

Гевгеличани имаат сосема солидна „домашна база“, па ќе се чека на некој исчекор од странските засилувања, добар дел од нив познати нс нашата кошаркарска јавност која може да очекува доста, веќе од првите натпревари кои се закажани за 2. октомври.

ПРВА ЛИГА-МАЖИ

ДВОЈКИ 1. КОЛО

2. ОКТОМВРИ (САБОТА):

14.00: Феникс 2010 – Навико Академија ФМП

Мала сала на СЦ „Јане Сандански“ - Скопје

16.30: МЗТ Скопје Уни Банка – Работнички

Мала сала на СЦ „Јане Сандански“ - Скопје

18.00: Еуро Никел 2005 – Гостивар

Сала „Јасмин“ – Кавадарци

3. ОКТОМВРИ (НЕДЕЛА):

18.30: Пелистер – МЗТ Скопје Аеродром

Сала „Младост“ - Битола

4. ОКТОМВРИ (ПОНЕДЕЛНИК):

17.30: Кожув - ТФТ

Сала „26.април“ - Гевгелија

18.00: Куманово 2009 – Ангели

Сала „Перо Наков“ - Куманово

ВЕЧНА ЛИСТА НА ШАМПИОНИ

1993 Работнички

1994 Работнички

1995 Работнички

1996 Работнички

1997 Работнички

1998 Работнички

1999 Работнички

2000 Николферт

2001 Работнички

2002 Работнички

2003 Работнички

2004 Работнички

2005 Работнички

2006 Работнички

2007 Струмица

2008 Фени Индустри

2009 Работнички

2010 Фени Индустри

2011 Фени Индустри

2012 МЗТ Скопје Аеродром

2013 МЗТ Скопје Аеродром

2014 МЗТ Скопје Аеродром

2015 МЗТ Скопје Аеродром

2016 МЗТ Скопје Аеродром

2017 МЗТ Скпје Аеродром

2018 Работнички

2019 МЗТ Скопје Аеродром

2020 не се прогласи првак

2021 МЗТ Скопје Аеродром

2022: ???