Осум национални селекции кои завршија на првите две места во претквалификаациите, се изборија за настап во оној главен дел – кваалификациите за Светскиот Куп 2027 година во Катар.
Победниците на групите, Украина, Романија, Холандија и Хрватска, заедно со второпласираните: Швајцарија, Унгарија, Австрија и Данска, им се придружија на оние 24. репрезентации кои се дел од Евробаскетот 2025, и ќе се борат за пласман на наредниот Мундобаскет во Катар.
Согласно со претходната ждрепка (реализирана во мај), овие осум селекции си го најдоа своето место во главниот натпреварувачки „костур“.
Интересно е дека по поразот во Скопје од нашата најдобра селекција, наместо во групата „Б“ во која се Грција, Црна Гора и Португалија, репрезентацијата на Унгарија ќе игра во групата „Г“ во која се уште селекциите на Франција, Белгија и Финска.
Вреди да се напомене и тоа дека, две репрезентации кои ги поминаа претквалификациите за СК 2027, Украина и Данска се во иста група „А“, во која претходно беа поставени Шпанија и Грузија.
Исте е и случајот во групата „Ф“ во која ќе играат Австрија и Холандија, кои исто така беа дел од претквалификациите за Светскиот куп, плус Летонија и Полска.
КВАЛИФИКАЦИИ ЗА СВЕТСКИ КУП 2027 - НАТПРЕВАРУВАЧКИ ГРУПИ
ГРУПА А: Данска, Грузија, Украина, Шпанија
ГРУПА Б: Грција, Црна Гора, Португалија, Романија
ГРУПА Ц: Србија, Турција, БиХ, Швајцарија
ГРУПА Д: Велика Британија, Италија, Исланд, Литванија
ГРУПА Е: Хрватска, Германија, Израел, Кипар
ГРУПА Ф: Летонија, Полска, Австрија, Холандија
ГРУПА Г: Унгарија, Франција, Белгија, Финска
ГРУПА Х: Словенија, Чешка, Шведска, Естонија
