Комплетирано 4. коло од евро-квалификациите: Италија не запира, и по втор пат подобра од Русија - КФСМ
30.11.2020

„Аѕурите“ славеа со (70:66) против „зборнаја“, имаат максимален резултат во групата „Б“ по турнирот во Талин

Комплетирано 4. коло од евро-квалификациите: Италија не запира, и по втор пат подобра од Русија

 

Италијанските „сини“ секако ќе играат на шампионатот, бидејќи се домаќини заедно со Германија, Чешка и Грузија, но настапуваат и во квалификациите и тоа многу успешно.

Со комбиниран тим, без евролигашките, и ѕвездите од НБА лигата, Италијанците до нов триумф против Русија ги предводеше Амадео Теситори со 27. реализирани поени и 9 скока.

Со 11.поени, Андреј Воронцевич беше единствениот руски кошаркар со двоцифрен број на реализации, премалку да се совлада дури и еден вака ослабен тим на Италија која има перфектни (4-0) по затворањето на „балонот“ во Талин.

Иако не играа вечерва, кошаркарите на Словенија обезбедија пласман на наредниот Евробаскет. Им помогна триумфот на Украина против Австрија (70:67), па „змаевите“ и без помошта на најдобриот свој кошаркар, Лука Дончиќ, ќе ја бранат европската титула освоена пред скоро три години. На две кола пред крајот, на Евробаскетот е и Украина, која има недостижни две победи во меѓусебните дуели со Австрија.

Односно, по четири некомплетни кола од групата „Ф“, Словенија е прва со скор (3-1), пред Украина (2-2) и Унгарија (2-0), додека Австрија останува без победа.

По 14.пат по ред, во завршниот дел од европскиот шампионат е и селекцијата на Израел која со победата над Полска (78:72), го задржи ореолот на неприкосновеност во групата „А“ со максималнии недостижни четири победи пред Романија, која очекувано е катастрофално поразена од Шпанија (41:94).

Планирано, макар и во изменет состав, со оваа втора победа, „црвената фурија“ ја заврши својата околу обезбедување тикет за Евробаскетот 2022.   

РЕЗУЛТАТИ 4. КОЛО

ГРУПА А

Израел – Полска             78:72

Шпанија – Романија     94:41

ТАБЕЛА: Израел 8, Полска 6, Шпанија 6, Романија 4

ГРУПА Б

Русија – Италија             66:70

МАКЕДОНИЈА – Естонија           одл.

ТАБЕЛА: Италија 6 (-1), Русија 6, Естонија 4 (-1), МАКЕДОНИЈА 2 (-2)

ГРУПА Е

Швајцарија – Грузија    84:91

Србија – Финска              75:66

ТАБЕЛА: Грузија 8, Србија 6, Швајцарија 5, Финска 4

ГРУПА Ф

Украина – Австрија       70:67

Словенија – Унгарија   одл.      

ТАБЕЛА: Словенија 7, Украина 6, Унгариjа 4, Австрија 4