Купот Благоја Георгиевски Буштур 2021 почнува со четвртфиналниот дуел помеѓу екипите на Пелистер и Навико Академија ФМП закажан за претстојниот петок со почеток точно напладне. И двата клуба најавуваат неизвесност на натпреварите какви што секогаш има во Куп-завршниците.
Пелистер – Навико Академија ФМП
Јован Христовски, Спортски Директор, Пелистер
„Прво, големо задоволство е да се учествува во завршницата од Купот на Македонија. Како клуб очекуваме Купот да помине во неизвесна битка како што впрочем е и целото првенство досега, на задоволство на сите љубители на кошарката. Сведоци сме на едно од најизедначените првенства во последните години. Гледачите ќе имаат три дена да уживаат во добри натпревари. Се надевам на фер игра, се надевам на успех, па ќе видиме до недела кој ќе излезе како победник. Им посакувам среќа успех и здравје на сите екипи. Особено здравје бидејќи после Купот не очекуваат натпреварите од плејофот. Сите ќе излеземе како победници ако на крајот сме во иста бројка.“
Александар Петровиќ, Тренер, Навико Академија ФМП
„Пред се, би сакал да ја поздравам идејата Купот да го носи името на нашиот легендарен Буштур и да ги поздравам членовите на неговото семејство тука присутни.Нашата екипа првпат настапува на Купот и тоа за нас е едно големо задоволство. Сигурно дека играме против најголемиот фаворит оваа сезона, единствена екипа која во двата натпревара во регуларниот дел не надигра. Но ова е куп-турнир, каде нема поправен. Секако дека знаеме нивни предности и ако го исконтролираме скокот и ја спречиме нивната транзиција се надевам дека можеме да изненадиме. Ја гледам нашата шанса во системот на купот. Го очекувам тој натпревар, нека победи подобриот.“
Славчо Темелковски, Капитен, Навико Академија ФМП
„Како што кажа тренерот, Академија ФМП покажа дека може да се надигрува со секоја екипа оваа сезона. Покажавме дека имаме квалитет и дека можеме да се носиме со посериозни екипи. Купот е еден натпревар каде се е можно. Последните две седмици се подготвуваме на нивни некои слабости каде што можеме да се надигруваме. Екипата на Пелистер е со доста широка клупа, со искусни играчи, но можам да гарантирам дека нашата екипа ќе го даде максимумот и ќе пружиме квалитетна кошарка.
