„КУП НА КРАЛОТ“: Димитријевиќ и Хувентуд одат на шпанскиот шампион, Баскониjа - КФСМ
18.01.2021

Во последниот четвртфинален меч од турнирот во Мадрид, екипата од Бадалона ќе разигрува против онаа од Виторија

„КУП НА КРАЛОТ“: Димитријевиќ и Хувентуд одат на шпанскиот шампион, Баскониjа

Денеска беше реализирана ждрепката за претстојниот завршен турнир од „Купот на кралот“ во Шпанија.

Во „Ви Зинк“ Центарот во Мадрид, каде од 11. до 14. февруари ќе се игра турнирот, беа определни четирите четвртфинални двојки, односно натпреварувачкиот „костур“, според кој ќе се стигне до новиот освојувач.

А екипата на Хувентуд, за која со успех настапува македонскиот репрезентативец Ненад Димитријевиќ, за противник во првиот елиминациски круг го доби актуелниот шпански шампионат, екипата на Басконија.

Според распоредот, ако Димитријевиќ и соиграчите го победат тимот од Виторија, во полуфиналето, кое се игра на 13. февруари, ќе играат со подобриот од дуелот Барселона-Уникаха.

Големото финале ќе се игра на 14.февруари.

ФОТО: ACB

ДВОЈКИ – ЧЕТВРТФИНАЛЕ

Реал Мадрид – Валенсија

Тенерифе - Бургос

-------------------------------------

Барселона – Уникаха

Баскониа - Хувентуд