02.03.2024 Вардар - МЗТ С.А. 64-69 ЖКК Вардар оваа натпреварувачка сезона ќе изостане од финалето на завршниот Куп турнир откако во полуфиналниот дуел загуби од бранителот на трофејот, МЗТ Скопје Аеродром со 64-69. Најпрво сакам да им честитам на МЗТ Скопје за победата, а воедно да им честитам и на моите играчи коишто изиграа уште еден тежок и извонреден натпревар во кој решаваа нијанси. Куп натпреварите се секогаш вакви и неизвесни и секогаш мали ситници ги одлучуваат победниците. За жал нашите грешки ги искористи МЗТ и сосема заслужено влезе во финале. Само ќе им посакам среќа на МЗТ и на Баскет Кам во финалето и нека победи подобриот. Сведоци сме на доста вакви натпревари, никогаш не одлучуваат првите пет минути игра. Доста често првата четвртина може да ја води 10-15 разлика па да има пресврт. Важно е да се игра во континуитет 40 минути. Реално подлегнавме во таа втора четвртина која ја загубивме со 20-9 и мислам дека беше една од клучните за нас. - вели Александар Ашаданов, тренерот на ЖКК Вардар.
