Овој викенд, ќе бидат познати и четирите учесници на завршниот турнир од Купот на Македонија „Благоја Георгиевски - Буштур“ во женска конкуренција.
На програмата се четири натпревари од четвртфиналето, и согласно со системот за натпреварување, ќе се игра само еден натпревар (на теренот на подобро рангираните екипи), по кој победниците ќе обезбедат пласман во следната натпреварувачка фаза, односно завршниот турнир.
Екипите на Крива Паланка и на Струга 2009 обезбедија директен пласман во четвртфиналето, и интересно во меѓусебен дуел ќе одлучат која од нив ќе се пласира во завршницата од ова натпреварување.
Закажан е за недела, од 15.часот, во салата „Бранители 2009“ во Крива Паланка, а судејќи според резултатите во досегашниот дел од сезоната, јасно е дека домашната екипа е изразит фаворит за местото кое води на „Фајнал-форот“.
Екипата на Спорт тим од Неготино го направи најголемо изненадување во осминафиналната фаза. А во оваа четвртфиналната се чини го има и најквалитетниот можен ривал екипата на Баскет кам, која го брани трофејот и во ова натпреварување. Тој меч е предвиден да се игра во сабота (од 13.часот) во салата „Кирил и Методиј“ во Македонска Каменица.
Фаворитската улога ја има и екипата на Вардар, која на домашен терен, во својата сала, во сабота, од 18.часот, за противник го има делчевски Патриот 2016.
Најголем интерес, дефинитивно предизвикува натпреварот во кој ќе се сретнат екипите на Бадел 1862 и на МЗТ Скопје. Ќе се игра на „нивниот терен“ во салата „Независна Македонија“, исто така во сабота, од 19.часот, а номинален „домаќин“ е екипата на Бадел 1862.
КУП НА МАКЕДОНИЈА „БЛАГОЈА ГЕОРГИЕВСКИ-БУШТУР“- ЖЕНИ
ЧЕТВРТФИНАЛЕ – ДВОЈКИ
14.ДЕКЕМВРИ (САБОТА)
13.00: Баскет кам – Спорт тим
Сала „Кирил и Методиј“ – Македонска Каменица
18.00: Вардар – Патриот 2016
Сала на КК „Вардар“ – Скопје
ЛИНК: https://www.youtube.com/live/tfZec1X5ul8?si=WH0IosJO8Ugk6EGL
19.00: Бадел 1862 – МЗТ Скопје Аеродром
Сала „Независна Македонија“ – Скопје
ЛИНК: https://www.youtube.com/live/vN5HQ37jwdg?si=tasdcb5cHZZlQw2W
15. ДЕКЕМВРИ (НЕДЕЛА)
15.00: Крива Паланка – Струга 2009
Сала „Бранители 2001“ – Крива Паланка
