Квалификации за ФИБА Лигата на Шампионите: Игокеа посилна од Клуж - КФСМ
23.09.2020

Познати се сите финалисти, се бараат четирите најдобри

Квалификации за ФИБА Лигата на Шампионите: Игокеа посилна од Клуж

Почна и разврската во другите две квалификациски групи од ФИБА Лигата на Шампионите. Во групата „Ц“, во Ботевград се одигра најинтересниот меч од веројатно сите осум полуфинални.

Се сретнаа екипите на Игокеа и Клуж Напока. Натпревар во кој претставникот од АБА лигата имаше постојано водство кое го претвори во конечна победа од (82:75). Доволно за место во финалната средба каде за противник ќе го имаат португалскиот претставник Спортинг, екипа која извојува убедлива победа над Фрибург Олимпик (84:78)

На собирот во Никозија се играа мечевите од сегментот „Ц“. Изненадувачки лесна победа запиша данскиот Бакен Беарс во натпреварот против Хапоел од Тел Авив (91:71).

Немаше многу неизвесност ниту на вториот натпревар од групата во кој белгискиот Монс со двоцифрени (81:69) го совлада полскиот Анвил Влоцлавек.

За жал, поради пандемијата на КОВИД 19, овие квалификациски натпревари од најквалитетното натпреварување на ФИБА, се реализираат без присуство на публика.

Вечерва ќе ги дознаеме и првите два учесници на групната фаза од ФИБА Лигата на Шампионите. Во првото финале (од 19.часот), во Ботеград ќе играат екипите на Цмоки Минск и Нептунас од Калипеда.

А првото финале во Никозија, исто така од 19.часот, е резервирано за екипите на Керавнос и Донар Гронинген. 

КВАЛИФИКАЦИИ ЗА ЛИГАТА НА ШАМПИОНИТЕ

РЕЗУЛТАТИ И РАСПОРЕД

ГРУПА А (НИКОЗИЈА)

ПОЛУФИНАЛЕ

Бакен Беарс – Хапоел Тел Авив

Анвил Влоцлавек – Монс          69:81

ФИНАЛЕ (25.СЕПТЕМВРИ)

19.00: Бакен Беарс-Монс

 

ГРУПА Б (НИКОЗИЈА)

ПОЛУФИНАЛЕ

Донар Гронинген – Дњипро    88:53

Керавнос – Ираклис        96:94

ФИНАЛЕ (ДЕНЕСКА)

19.00: Керавнос - Донар Гронинген

 

ГРУПА Ц (БОТЕВГРАД)

ПОЛУФИНАЛЕ

Фрибург Олимпик – Спортинг 78:84

Клуж Напока – Игокеа    75:82

ФИНАЛЕ (25.СЕПТЕМВРИ)

19.00: Спортинг - Игокеа

 

ГРУПА Д (БОТЕВГРАД)

ПОЛУФИНАЛЕ

Нептунас – Лондон Лајонс       77:73

Цмоки Минск – Балкан  73:65

ФИНАЛЕ (ДЕНЕСКА)

19.00: Нептунас – Цмоки Минск